أمانه عليكي يلي في يوم حبيتك

أمانه عليكي يلي في يوم حبيتك

عَدِيتيني بضيق الصدْرْ

اعلنتي الهروب البكْرْ

أشْعلتِي بْدرْبي نارْ بلا رحمهْ

وسكّرتي بوجْهي البابْ

وشمّعتي شبابيكِكْ

وماسمعتي صراخ الآهْ

بشو بدّك تعاقبيني ؟

يابنتِ الناسْ

زمان كنا بنتحاسبْ

زمان كنا بنتعاتبْ

بروحْ إحساسْ

ليش بدك تِهَمْليني

وليش بدّك تبكّيني

على أسباب ماليها أساسْ

إذا بدّك تِموْتيني

إذا بدّك تِقتْليني

إمِهْلِيني لحتّى أنام على وجهي

وماتشوفي دموع عيني

توقِّّفْ حُكْمِكْ القاسِي

وحِدِّي شفْرة احْساسِكْ

لحتّى تزيلْ ضَنى روحي

وشُقّي الصدر من يُمنايْ

شِيلي القلبْ منْ بيتهْ

أمانه عليكي يلّي في يومْ حبيتكْ

تلفّي القلب بعد خروجه من صدري

في خِرْقه من أثرْ عطفكْ

وهِيلي تُربة الماضي على قبرهْ

وقُولي قبلِ ما تِمْشِي

سلامَ اللهْ ياقلب رحلْ بِسُكاتْ

أمانه عليكو يلي تعرفوا حالي

تزوروا قلبي في قبره

وتقروا عليه

آياتِ الحبّ والآهاتْ

وهادي آخر الكلماتْ