آآآه يارحلة أسايا
تصَدّقيني لو صارحْتِكْ
إنّي صِرتْ اشْعرْ بشؤْمي
يوم صارحتيني بِصَمْتكْ
يوم رعبْتِينِي ببُعْدِكْ
عن حكاياتي الهنيّهْ
يوم ماخُفْتي مْنلْحَسودْ
يوم وعدتيني تغيبي عن كلامي
لَجْل ماتبْعدْ عيونِ الناس ولو دقيقهْ
ماتراقب خطوتِك في القرْب مِنّي
تصدّقيني يومْها حسّيتْ بالأسِيّهْ
يومْها نِزْلِتْ غصْبَ عنّي دموع عنيّهْ
يومْها حسّيتْ بانكسارْ
يومْها جاني الموت وقاللي :
ياغريب الحبِّ.. إرحل من قريبْ
ماعاد زمانكْ في القلوبْ يِسْوَى حبيبْ
ياغريبْ لملم شَتاتكْ
وابكي ع اليوم اللي صار منّك بعيدْ
آآآهِ يارحلةْْ أسَايَا
كنتِ لي دايمًا صديقهْ
مارأيتكْ يوم كرهتيني بشهيّهْ
أو رفضتيلي وصِيّهْ
كنتِ لي دايما رفيقهْ
رغم انّكْ قِسْمتي
من يومْ عِرفْتِ الغربهْ
في بْلادِ الحبايبْ
والقرايبْ والعداواتِ العصِيَّهْ
صدّقي إن كنتِ غاليهْ
والا اقولّك كدِّبيني
منهم اتعلمتي مـ الشَّكِّ الوصيّهْ
صدِّقيهم
صدِّقيهم
يمكن الأخبار فِيدِيهُمْ
أوْ في أقدارهم مَنِيّهْ
بس عارفهْ إنُّهمْ
أصل البَليّهْ !!
فضلو يحكولكْ كلامْ
وانتي ياغاليهْ تقولي
يَامَا ع الدنيا السلامْ
كنتي تسقيني المرارْ
لما كنتي بتِشْربي منهم حكاوِي
ويقْترِبْ منّا الخصامْ
ويبتعد عنّا من الدنيا الغرامْ
آآهْ ياخوفي من حقَايِدْهُمْ
ونار الغيرهْ فيهمْ
نارْ عنيدهْ…نارْ قويَّهْ
نارْ ماتعرفْ حب غالي
نار ماترْحمْ صرخة العاشقْ
ماترحم أنّةِ القلبِ الحنونْ
نارْ رمادْها العاشقينْ
نارْ حُطامْها كلّنا لو نسْتكينْ
ارحمي نَفسِكْ ونفسي
من كلامِ الحاسدينْ
واللا اقولك !
عيشي عمرك في الأنينْ
هو انا يعني الوحيدْ
اللي انظلمتْ أو انحرمْتْ
من الهوى طول السنينْ
مَـ.انَا ليَّا دُنيا عمرها مافرَّحَتْنِي
طولْ عمْرها تُطْلبْ دُموعي
وَيُّ دقَّهْ هَمّ مِنْ قلبي الحزين
حتى إنتي لمَّا بَطْلُبْ منكي دايمًا
شوقْ حقيقي مِنْ حُروفِكْ
وافْضَلْ اتْوَسَّل إلِيكي
تِكْتِبي بَعْدِي سُطُورْ تِحْيي اشتياقي
ترفضي !!!!!
وتْمَوِّتِي فـْ . قلبي الحنينْ
لسَّه مِنْتظْرهْ أشُوفِكْ؟؟؟
أو أبُوسْ إيِدكْ واقولِّكْ
حُطِّي شُوقِكْ بينْ سطوري
بين حروفي
وانتي خايفهْ مْنِ الْعُيون؟!
لا..ياغَاليهْ مِش حَ . اقُولِّكْ
بَسِّ حَفْضَلْ عمري احبكْ..
لمَّا ييجي الموتْ ياخُدني
أو يفاجئني الجنُونْ
ليست هناك تعليقات:
إرسال تعليق